Data archieven februari 2022

Levensvroag

De muziek dij uut dien vingers komt, as dien haand deur mien gedachten woult, moakt dat de grode levensvroag verstomt: Woarveur is t aaltemoal ook weer bedould?

Nije vent

Ien bedstee ligt heur nije vent. Veur aalbaaid nog n beetje vremd. Hai puult en kraabt wat aan heur deken en holdt n hoarke ien zien haand. Dat was nog van heur eerste man. Zukswat dat holstoe toch nait tegen.