k Zol dit gain
landschop nuimen,
bomen, mor gain
blad. n Pad, mor gain
bos, keersrecht dood holt,
gain minsken.
Zollen zai der ooit
west wezen? Slaange
op veurgrond stekt
kop op. Wat wil
slaange nel mezzo
del cammin di nostra vita.
Heurt hai wat? Rokt hai ons?
Gain stroekerij woar
of zok wat verbaargt,
of zugt hai meer
as wie ooit zain zellen?
Gain prooi, gain
panter, laiwe of wolvin
dij hom opvreten kin,
gain paradies om n inde
aan te moaken om
wereld van nijs
òf aan te begunnen.



(nel mezzo…..1e regel oet Divina Commedia van Dante. In vertoalen van Ike Cialona en Peter Verstegen: “Op t midden van ons levenspad gekomen…”)