Aan terras op drijsprong
in vekaansiedörp
woar zunne weldoadeg schient
dizze zotterdagmiddag loat
let n laange, hoarege man mit hippie-uutstroalen
tegen zien gezelschop aan toavel noast onzent
dialekt woorden smui over lippen rollen.
As hai t het over plukken van brommels
word ik inains t bliedeg kind
om t vergeten woord brommels
dat hail mien kinderjoaren noar boven hoalt.
t Is dat hai net besteld het
aans haar dizze zunege Paiter mit groagte
zien poddemenee der aan leuven loaten.
Nou bin k in auto op weeromraaize
nog aal aan t brommels tellen.
Körven en körven vol mit brommels
van n Zuudloarense noazummer zotterdagmiddag.