Ien kroug kroop k n moal achter pioano.
Mien pioanospul stelde haildal niks veur.
t Was n laidje over n heerschop ien òl koano
dij deur t daip schoot, mor achtersteveur.

n Keerl ien kroug dij von t prachteg.
Hai gaf mie gedureg n glaske bier.
Òl koano ging dou zee op, machteg.
n Golf schoof ding strand op ien n swier.

n Aner laidje kon k nog nait speulen.
Mor keerl zee: Tou mor, joa nog n keer.
Dou vloog koano kaant op van n woddermeulen.
Kiek! Doar kreeg k weer klòksmeer van meneer.