ROOS MOS MOR ais mit noar t gebaauw mit zoaltje.
Max was doar winner ien kauwgom kaauwen.
Haand ien haand kwammen zai aan ien t lokoaltje.
Ale gaasten wazzen drok aan tjaauweln.

Jongkeerls vonnen t schier dat zai der wazzen.
Der wer tikt op schollers en streken over hoaren.
As n baal maank zeelaiwen lait Roos heur sakken
midden maank n plougje kletsmajoren.

Ain van jongkeerls haar n euliefantenkop.
Nee, Roos was nait baang, dij was oareg dapper!
Zai kroop ien bek van t dikke jong.
Dou zagen zai t wicht over ivoren tannen stappen.

Max was n winner ien kauwgom kaauwen.
Doar kroop zien laiverd as n heldin omdeel.
Keerl, wat wer t wicht ja op schollers haauwgen.

En stoef bie deur ston Max, vervroren as n beeld,
hai keek hou of Roos as n speulse kat, n wildebras,
mit dikste hoantjes aan t maaljoagen was.