Boven ien e kop
ja diep ien e huud;
vrij oademen, denken en doen,
woar, wanneer en hoe.
Loaten we butenzinneg weden
et vieren met n borreltje of twee,
want tachteg joar vrij, wie je ok bennen
schient biezunder, biezunder.

n Mensleven laang ien vrijheid,
liek fladdervogels ien heur vlucht
die alle kanten op- en uutspatten
of juust kiezen veur heur nust.

Is de vrije wil dan niet t hoogste
en n stuk kostboarder,
as n pot vol zuver gold?