doar ligt ze din, t knekelpad van klaain
noar groot, van t leven tot aan dood
van leegte noar de bult, van op
en neer, bie Moarslag hèn en weer

van wienstok tot aan t graf, t gereer
veurbie dat pad, veurbie de dook
dij optrekt as de wind heur smook
verwaait, omhoog noar òns laive Heer

n goie raais is wat ik wins veur wel
t knekelpad din goan: of lopend
of op boar: veur baaidend hopend
dat t end wat zicht op t hoge geven zel