Vloudlien veurbie

Onrust heerst, drift
dichter stoef bie zee
mit vouten op slikken
wat blubt, n bobbel
vlakte vol gehaimen.

t Wiede niks rakt bloud
en daibe oadems,
let vleugels lös veur sweef
van maale dreum noar sloapen.

Zoltzee lokt, trekt
aan aiveg op en deel
rekt hom, roadselt
mit wolken en wiend.

n Schroal vol belk en roup
vaalt op hoge kroag
van zeehond en zaand.

Gaist van wotter sweeft
stille vloudlien veurbie
wuilt woarhaid open
veur loater bie minsk
en diek.