Date Archives 2017

Stultus regem

Dat der nog n Messias komen zol of n keunegskiend as t nait aans kon mor laiver nog n salamander mit twaalf levens en antwoorden op vroagen dij gain vroagen binnen. Goa doar mor ains noar op zuik. Of duurst nait omreden der zitten doar ook droaken? Ferduutsie mien man, krigst de haand van mien… Continue reading

Twij meugelkheden

Lös aarbaider Klaus, boer Eendhoezen haar hom veur oogsttied n poar weken huurd van kobbel*. Zien veurnoam was onbekend, of wàs dat meschain zien veurnoam? Der was wel meer bie hom onbekend. Hai kwam nait van hier, was nait kerks en kon viefendareg, mor net zo goud viefenviefteg wezen. Hai haar n brokkel gebit, broen… Continue reading

Ast doe

Ast doe mie roupst van over d’horizon hoal ik d’hemel deel stroom onder verboasde koienogen beuk de bomen, trek bloaren lös streel ze tot mitgoan ik meander tussen vogelkedoavers, verward in plastic en verwaaide kraantenkoppen sleep takken aan, raster twiegen moak n wiede kom mit spaigels zwaai vaaierkaant vanòf de wanden noar miezulf en noar… Continue reading

Veur nou & veur de oardegheid

t Is al weer dik viefteg joar leden dat Jan Boer (1899-1983) zien boek Aanzain en wezen van ’n moudertoal uutkwam. Dichter en schriever Jan Boer zag toen, ien 1961 de toekomst van ons toal somber ien. Op t één-noa-leste blad stijt het zo: “Nee, tied doar wie nou ien leven, laint zuk nait best… Continue reading

Lewaaischoet

Nou mos k eefkes noar baank tou, houwel t gain laifhebberij van mie is. Din mor geliek; mit pet en fiets richten dörp. Zo stoareg aan kin k ale binnenpadjes, zuik ze zulfs, om doar laans te snorren. Toch, op dij mörn zag k nog weer n aander stek, woar k volgens mien rechte-lien-dìnken nog… Continue reading

Zol ik

Zol k die nooit zain hebben zolst doe nooit n woord mit mie wizzeld hebben zol mien belegen haart nooit sprongetjes moakt hebben

Derkje*

Derkje zit stil op heur stoul. Klas is drok en oetgeloaten. En mörgen nog n dag. Meester het t stoer en is bliede as t smirregs haalf vaaier is. ‘Goed je best doen, Derkje!’ zegt e nog even tegen heur bie t noar hoes goan. Zai krigt vast n bult hoeswaark mit. Veur in poasvekansie…. Continue reading

Trekvogels

Zigs vremdste trekvogels over hoezen vlaigen. Manlu ien koamers loeren deur roamen. Zai schrieven ale vogels op, mor laigen over wat zai zain, bedìnken gekste noamen. Ien toen het ter ain n schoelhut baauwd. Hai zöcht lucht òf mit zien verrekieker. Zien vraauw ropt hom ien hoes en snaauwt. Hai belkt: Vogels moaken mien levent… Continue reading

Noast de wierde

Piloot, clown, acroboat, alles is meugelek noadat n kiend veur t eerst speult met verbeeldingskracht. Veuruutkieken en genieten tussen de lokbeelden van mörgen die ruken noar verlangen en oaventuur. Leven ien de eigen kozen werklekheid dat ok bij t noagloeien nog stroalt ien t heldere licht. Ver vot van de wierde van ernst woar vroeg… Continue reading

t Akkoord

Allinneg veur gewone minsen heurd’ ik hom zeggen en laigen nait? Braid laggend, ogen touknepen scholderkes smaler as n röddesteert Allinneg veur gewone minsen binnen zai veur verschillen mor tegen tegenstellens: nivelleren tot op bonken elk veur homzulf en aalman veur heur Allinneg veur gewone minsen dij wies worden kinnen oet Pythia`s tongen Polder mor… Continue reading