Data archieven 2018

Vloudlien veurbie

Onrust heerst, drift dichter stoef bie zee mit vouten op slikken wat blubt, n bobbel vlakte vol gehaimen. t Wiede niks rakt bloud en daibe oadems, let vleugels lös veur sweef van maale dreum noar sloapen. Zoltzee lokt, trekt aan aiveg op en deel rekt hom, roadselt mit wolken en wiend. n Schroal vol belk… Lees meer

De schierste kleur

Krops stende. Zolst net zo zain, de leste deuze was t zwoarst. Hai kreeg t ding net deure deur en luit t haalf valen op n aander deuze. Mit n poest van zulfmeelie luit e zuk zakken op n krukkie dij doar ainzoam tussen deuzen en schilderdouken ston en vreef zuk n poar keer stief… Lees meer

Verske

k Tróf op stroat t Aarmzoalegste Wezen, femilie van de Laangoren en drij moal doags twij druppen ien baaide ogen. Droug n droadhoarege mantel, sluutwaark van bonkjes en taauw. Perbaaierde mie ien t zicht van dood wat op te beuren; zaachte ien stee van haarde woorden. Haar op maart bananen kocht. Bananen ien zo’n haalfdeurzichteg,… Lees meer

Deure

In vrouge haarstlucht kiek ik deur spielen noar dingen aan d’overkaande woar t levent as verlöst oet tied onbekommerd ruumte let deurklopper, hoesnummer, nuigende olle klinke deure tussen non en dammeet blif ofwachtend dichte overkaande dij k sikkom rekken kin stee woar k onverdocht al bin

Gelok *

Hoog boven zee, k zol gain aander stee waiten om dien stem te heuren, om noar woorden te zuiken in t krieten van onweersvogels as zai as schoem over rotsen stoeven, zolde locht mie van gelok kele òfsnidt, störm deur pienbomen snoavelt en stad wied onder ons, nog wieder vot astoe nou vot bist. Hou… Lees meer

Twee iendrukken

Ien t spiegeltje zie k Marieke n beetje schoeven op e achterbaank. Ze wiet dat ze heur ienholden moet noa mien drokke waarkweek en gelukkeg zeurt ze vanmiddag niet. Aander vrijdoagen voak wel; meest geliek bij t ophoalen begunt het al en gijt t over eten of dörst of school of heur mamme of wiet… Lees meer

Leutje laid *

Ik haar n jeepke in t zaikenhoes, dij het mie d’ain of d’aander geven mor gainent wos t. Ik was weer thoes en jeepke was op t zoaltje bleven. Mien pappa het gain braifke schreven, mien mamma zee wat konkelfoes, t was nait van mie of mor veur even – en mien vertraauw was glad… Lees meer

Grunnegers zeggen

Grunnegers zeggen: geef mie ais t swienhondje. En as t wat laang duurt, din vroagen zai, ofst wel waist wat of dat n swienhondje is. Zunder t beschaaid òf te wachten, pakken zai hom op en kieken der noar en zeggen nog ain moal: swienhondje, hondje, swienhondje. As of zai opschrikken oet daipe bedenksels flustern… Lees meer

roafelmìnsk

voak loop ik doar. ien bos. wodder bie laans. omgeven deur oetbedòchte roafelmìnsen. zo oetbedòcht, dat ik mie altied allinneg vuil. allinneg. en òfwezeg. zo is doar oetbedòchte retoriek dij hoog van toren bloast. oetbedòchte swaarde hoat dij oetkookt witwast. oetbedòchte oetzichtlooshaid dij mìnsenresten van spoor schroapt. oetbedòchte tiedgaist dij hom vaasthòldt aan bròkstokken. t… Lees meer

Daipste swaart

t Daipste swaart zit mie op hakken wil van gain wieken waiten hai mout en zel en ik bin muid van t runnen tegen wiend en störm ien Oetschaaiden is sums t ainege nog Denk ik en roek dij oadem Ik richt mie op en zunder angst Loat mie deur hom vermotjakken Griep mie din,… Lees meer