Zai drieven deur n ansichtkoart,
nait op drift mor volkommen
zeker en wezenloos
van plantoazie noar plantoazie.
t Is nooit aans west
stroalt van heur gezichten òf:
aal wat ons is, bestaait
as decor om ons drievend
te holden bie laangs roegte,
over dèlte en deur n leven
dat nait leefd wordt mor
droagen deur aal wat ons
touheurt, deur aal wat
wie nooit wezen willen.



noar de film: ‘Moeder Suriname/Mama Sranan’
Regie: Tessa Leuwsha. Voice Over: Denise Jannah
[Bakra is Surinaams veur witte Nederlanders]