Ik dòchde dat zo’n vezel moakt van glas
noodzoakelk in t medèrne levent was
aan d’kiekkaast, d’proatdroad, t internet.
n Roeg gat kwam in de gevel … Vörstverlet!
n Kastje wer verkeerd aan d’mure klaaid
en drijmoal klonk: ‘k Goa nait, veurdat t aal draait.’

Ain haar hoast drij monteurs op ain metras;
haar moandenlaank de tillefoon onpas
en t haile joar meleur mit ieder schaarm.
Ain belde zok mit n lös mobieltje aarm …
De duvel in … n Joar laank was ik helleg!
‘Zoks overkomt mie nait’, zee d’vraauw mie stelleg.