Leutje laid *

Ik haar n jeepke in t zaikenhoes,
dij het mie d’ain of d’aander geven
mor gainent wos t. Ik was weer thoes
en jeepke was op t zoaltje bleven.
Mien pappa het gain braifke schreven,
mien mamma zee wat konkelfoes,
t was nait van mie of mor veur even –
en mien vertraauw was glad in toez’.
Mien jeepke, dat bleef ain gezoes.
k Haar nooit zuks had, mien haile leven!
Dou k groot was heb k mit n dikke smoes
mie n alderaigenste jeepke geven.
* n Jeepke is n speulgoudauto