wacht mor kind
baalkeduuster as nou
zel t nait blieven
t wordt gaauw aans
dou mor denken
om mien woorden

werachteg staarvenswoar
aanderdoags brook zunne deur
t dichte dek van wolkerij
mit zo’n kracht
of mos zai kost
dermit binnenhoalen

stroalde zunne
deur kindertroanen hèn
lösde voele vegen op
van graauwtoetwaangen

te vroug is zai
mien moe opnomen
deur t liggoam
van d’hemel
mit open aarms

ik was gain kind meer