Naacht ien circus

Snaachs waarkte k ien circus,
as donker was en kil.
Din kroop k bie tiegers
en hil heur kaalm en stil.
k Haar nachtdainst ien circus,
flusterde tiegers ien t oor
dat zai zaacht en laif van oard wazzen,
dat zai n hekel haren aan moord.
Din ging k noar peern tou
en zee tegen òlste peerd
dat n slachter ook n mìnsk was,
dat peern ien slachthoes worren vereerd.
Op t lèst laip k noar n kloun tou
dij nog wakker was en laag te lezen.
Din keek k hom aan en vroug hom
wat ter grappeg was aan t levent.