Snaachts waarkte k ien circus,
as t donker was en kil.
Din kroop k bie tiegers
en hil heur kaalm en stil.
as t donker was en kil.
Din kroop k bie tiegers
en hil heur kaalm en stil.
k Haar nachtdainst ien circus,
flusterde tiegers ien t oor
dat zai zaacht en laif van oard wazzen,
dat zai n hekel haren aan moord.
flusterde tiegers ien t oor
dat zai zaacht en laif van oard wazzen,
dat zai n hekel haren aan moord.
Din ging k noar peerden tou
en zee tegen òldste peerd
dat n slachter ook n mìnsk was,
dat peerden ien slachthoes worden vereerd.
en zee tegen òldste peerd
dat n slachter ook n mìnsk was,
dat peerden ien slachthoes worden vereerd.
Op t lèst laip k noar n clown tou
dij nog wakker was en laag te lezen.
Din keek k hom aan en vroug hom
wat ter grappeg was aan t levent.
dij nog wakker was en laag te lezen.
Din keek k hom aan en vroug hom
wat ter grappeg was aan t levent.