Posts by Eldert Ameling

Trekvlinders

Kiek ais noar dij trekvlinders. Wat binnen dij baisjes wat maans! Zai trekken over Frankriek hin, mor spreken gain woord Fraans.

Romanze bouken

Ien Soniastroat ston n deus bie weg mit oet t Ruzzies vertoalde bouken en n sedeltje mit: Vergees mitnemen. Wiederop weer n deus mit oet t Ruzzies vertoalde bouken en n braifke: Vergees mitnemen. Ien t hail dörp stonnen zesenvatteg deuzen mit oet t Ruzzies vertoalde bouken om mit te nemen. Nooit waiten dat der… Continue reading

Laankste vraauw

k Heb laankste vraauw ter wereld zain. Dat was leerzoam as n studiebouk. Ien heur hut was ales te klain. Eerst zat zai op grond aargenswoar ien houk. En hou zai dou deur koamer hìnvloog! Kaalmkes aan lopen was heur te min. Zai sprong hoast over ales hìn, aal was zolder nait aal te hoog…. Continue reading

Nije vent

Ien bedstee ligt heur nije vent. Veur aalbaaid nog n beetje vremd. Hai puult en kraabt wat aan heur deken en holdt n hoarke ien zien haand. Dat was nog van heur eerste man. Zukswat dat holstoe toch nait tegen.

Eet lekker

Ain dij leeft op soep en pepermunten. n Aander smikkelt doevevreten. Eerst mout koorn nog ien wodder waiken, dat is t haile aaiereten. n Man allinneg, nait handeg ien keuken, dij het n bult wil van frituur. Gaauw aan broaden, zien handen jeuken! Laifhebbers van wild, van dikke hoazen, kinnen heur mor naauw bedoaren. Loeren… Continue reading

Achternoam

Ain van dij baaide manlu kin ook n bult bekìnde personen noadoun oet Twijde Wereldoorlog. Oet welk laand dij strieder komt dat is hom krekt aingoal. Mor mien achternoam ontholden en fersounlek oetspreken dat is ter nait bie. Ien tussentied is hai mit dij aner man oet zien dörp twijde dij mien achternoam gedureg op… Continue reading

Naacht ien circus

Snaachts waarkte k ien circus, as t donker was en kil. Din kroop k bie tiegers en hil heur kaalm en stil. k Haar nachtdainst ien circus, flusterde tiegers ien t oor dat zai zaacht en laif van oard wazzen, dat zai n hekel haren aan moord. Din ging k noar peerden tou en zee… Continue reading

Spinnenstried

Dij dikke sleurt hom mit ien sponnen puutje. Hai het leutje spin op t lest nog grepen, noadat zai nkanner eerder knepen. Mor dikste spin haar mainste pit. t Was n stried, luk spintje tegen dij dikke. Leek eerst of klaintje dudelk won. Klaine spin dij ook begon. Ien begun bleef dij dikke rusteg zitten…. Continue reading

Mit ABC

MIT ABC doar zollen wie baaident zulde woorden mit moaken kinnen. Mor wat teuvers doe mit toal. Wat moaks doe ja vremde zinnen. t Is of wie aalbaaident vogels binnen. Koekoeken, doe en ik. Ain koekoek ropt om regen en dij aner dij het regen aal laank had.

Trekvogels

Zigs vremdste trekvogels over hoezen vlaigen. Manlu ien koamers loeren deur roamen. Zai schrieven ale vogels op, mor laigen over wat zai zain, bedìnken gekste noamen. Ien toen het ter ain n schoelhut baauwd. Hai zöcht lucht òf mit zien verrekieker. Zien vraauw ropt hom ien hoes en snaauwt. Hai belkt: Vogels moaken mien levent… Continue reading