Nee, dij waarkt hier
nait meer. Nije direksie
zeg mor. Wie binnen
open, joa wis.
Hest dien moeke mitnomen
zai k. Van 1930! Dij was
der aal op tied bie!
Lopend? Dat wordt nareg.
k Zol doar rechts òfboegen
en din vot links. t Puun
moutst even vergeten.
Dat ligt overaal. Wacht,
kinst nog beter liekoet.
Links van die woar of dien oom
slachterij haar staait aal
in vuur en vlam. Brandweer
het doar bouln òfsloten.
Joa nareg, magst wel zeggen.
Wacht ains, k zel
t goud mit joe moaken.
Wat zegt zai? Komt
gain inde aan? Tja.
Kinst dij supermaarken
wel, woar of dien nicht
in Holland woont, dij noar die
tou kommen mit bodschoppen?
Doun wie nou ok. Nait
om te brengen vanzulfs,
mor om te hoalen.
Blief mor gewoon liggen
mit joen baaiden. Wat
of der nog van over is.
Wie roemen joe wel op.
Spesjoale militaire service?
Eerlieks. Wie doun t spoorloos.