Berichten door Jos Rietveld

Veurjoarsveziede

Sprille zun, vogelgeluden, poaskepronk k Har docht dastou veurgoud aan aander ziede van grode plas blieven zolst en vandoage staaist inaine veur mien deur Hou is t nou? – Kiekst mie geliek aan as derveur Gaauw din, ain koppie thee

Haarfstdoetje

Muren te klaain, bainen te zwoar, genog tied te veul en aldergloepends verlaifd. Wat schienen wilde wienbloaren verlaaidelk goldgeelbroen t Alderlaifst kuierkar pakt en kuiern mit hom en din t ding delesmeten in t strewail en soamen luustern noar d’ganzen; hou dij gakkend noar zummer tou raaizen. Vlugge, mien laif, vlugge din, n leste haarfstdoetje