Törfsteker in Kiel

Op mien hoge noren kom ik m in de muid
t is n Zwitser
nait op ski’s, nait op klompen
moar op zokken mit goaten
God smeet m de baargen uut
om hier in t veen de waal op te kroepen
Ik steek m zien aigen scheuvels tou
deurlopers, ze lagen nog bie mie op zolder
Hai bindt ze onder en beukt zuk
in de wind op, deur scheuren, deur de roes
van jenever tot n Grunneger
De slapscheet! Hij zopt as n krieger
Zien kinder lopen in polten
Zien leste cent geft e uut aan d’draank
en stolen törf braandt nait laank
De winter is nog moar net begonnen
En toch
Zien veenboas loat m stikken
Zien vraauw scheldt allenneg nog
Aal zundag twai uur lopen noar de kerk
De winter is nog moar net begonnen
woar waren aal dai zogenoamde Hoge Heren?