k Tróf op stroat t Aarmzoalegste Wezen, femilie
van de Laangoren en drij moal doags twij druppen
ien baaide ogen. Droug n droadhoarege mantel,
sluutwaark van bonkjes en taauw. Perbaaierde mie
ien t zicht van dood wat op te beuren; zaachte
ien stee van haarde woorden. Haar op maart
bananen kocht. Bananen ien zo’n haalfdeurzichteg,
dun, blaik, plestiek puutje, ruzzelnd aan haand
van liek ien lood hangende rechteraarm. Puutje
bestemd veur minder belangrieke dingen.