Grunnegers zeggen

Grunnegers zeggen: geef mie ais t swienhondje.
En as t wat laang duurt, din vroagen zai,

ofst wel waist wat of dat n swienhondje is.
Zunder t beschaaid òf te wachten,

pakken zai hom op en kieken der noar
en zeggen nog ain moal: swienhondje,

hondje, swienhondje. As of zai opschrikken
oet daipe bedenksels flustern zai nog: dikschieter,

of: keudeldoemke, want Grunnegers hebben
dikke woorden veur lutje zoaken.