In daipe stilte van dizze nacht
heur ik die roupen van d’overkaande
en ast noaderst zai ik dien ogen
kikst mie aanveerdend aan
gefst mie dien genoa
kolle dingen worden waarm
sikkom ofwezeg roak ik die aan
speurend noar vrumde högten
olle vroagen riezen
nije toal wordt pruifd
overkaande wordt diszied

in t ìnde as ales dele komt
dingen doven in stilleghaid
kieken wie hou t vrouge löcht binnenvaalt