Bie onze verhoezen vonnen wie maank olle pepieren n braifke van honderd gulden trugge. Nou lag e alweer n zetje op bözzem en möst mor ais weden. Omruilen dij Snip veur euro’s bie De Nederlandse Bank, de DNB. ‘Wie mokken der mit onze leste NS-vrijraaizendag n dagje Amsterdam van en den neemve der kovvie mit… Continue reading
Posts by Hanne Wilzing
Hanne Wilzing
Liturgie bie boukenkaske
Man lopt veur mie over tegelpad. Haarstzunne gef n golden glaans op zien laange zulvern moanen. Bie t boukenkaske op Beukenloane nummer zeuvenzeuventeg holdt e ho. Deurtje gèt open, bouk oet madde der in en deurtje weer dichte. Ik hol even in en kiek in t kaske. Nije aanwinst is dichtbundel ‘Over het verlangen naar… Continue reading
Hanne Wilzing
Dizze tied
Dizze tied van nait waiten tied van gebelschoppen en verschait en veuls te waaineg doetjes Tied van rerende bootjes op zee t aaldeur beven van laand en lu tied van leste laiweriken Zoveul vergraimt Woar bistoe? Tied um vannijs under vergeten stainen te kieken op boerplak te zuiken noa wat weerde het mit open handen… Continue reading
Hanne Wilzing
Marioepol in liedenstied
Mensen worden nander dingen bommen hebben gain gezicht haarde systemen haauwgen alles van weerde stukkend gainent dij dit begript Maria schraift en suust heur lutje potje kind kikt wondernd wereld in dij aivege ogen roupen tot verzet dat wie nander vannijs aankieken t zaachte zuiken in t ìnde kommen tot wie gezichten zain
Hanne Wilzing
Blinnen
In slootswale zit boer te reren Peerd wacht op wenakker en kikt liedzoam leegte in Op t stee mit nog waarme berre trekt vraauw blaik blinnen dichte en kropt weerom
Hanne Wilzing
Bistoe t?
In daipe stilte van dizze nacht heur ik die roupen van d’overkaande en ast noaderst zai ik dien ogen kikst mie aanveerdend aan gefst mie dien genoa kolle dingen worden waarm sikkom ofwezeg roak ik die aan speurend noar vrumde högten olle vroagen riezen nije toal wordt pruifd overkaande wordt diszied in t ìnde as… Continue reading
Hanne Wilzing
Zeunen
In dokege spaigelde spaigels zai ik zeunen van zeunen achter en veur mie stoan hou over scholders ales zuk herhoalt non begriep ik joen stille troane leegte noa bestemde snee ie luiten mie nich achter mor ik verluit joe loater luipen wie in t waarme veld swiegend mit riepe dinksels biezetten n begun van n… Continue reading
Hanne Wilzing
Deure
In vrouge haarstlucht kiek ik deur spielen noar dingen aan d’overkaande woar t levent as verlöst oet tied onbekommerd ruumte let deurklopper, hoesnummer, nuigende olle klinke deure tussen non en dammeet blif ofwachtend dichte overkaande dij k sikkom rekken kin stee woar k onverdocht al bin
Hanne Wilzing
Impressie *
Hoge kantoortorens kieken mit doezend gele goaten dele en boegen zuk noar lutje jonkje dat wondernd noadert maank nadde tegels wotterpoulen zo daip as daip spaigeln stolske wichter in widde jurken doarop zetten zuk rode vlekken mit dommee dikke lopers jonkvolk kikt verbalderd tou ogen valen mie open: dat dit bestijt *Bie ‘Menstruate with pride’… Continue reading
Hanne Wilzing
Lutje wichtje
Lutje wichtje lopt veulsk op blode vouten over mulzaand noar heur eerste zee wotter smokt voutjes zoegt en geft, zoegt en geft baaident speulen en strandjen roemte mieghummel bie grode zee, hoge luchten en t braide zaand zo niks en zo aanwezeg wat komt krigt hier zien beloop dij open ogen en open handen dizze… Continue reading