Berichten getagged Wilzing Hanne

Dizze tied

Dizze tied van nait waiten tied van gebelschoppen en verschait en veuls te waaineg doetjes Tied van rerende bootjes op zee t aaldeur beven van laand en lu tied van leste laiweriken Zoveul vergraimt Woar bistoe? Tied um vannijs under vergeten stainen te kieken op boerplak te zuiken noa wat weerde het mit open handen… Lees meer

Marioepol in liedenstied

Mensen worden nander dingen bommen hebben gain gezicht haarde systemen haauwgen alles van weerde stukkend gainent dij dit begript Maria schraift en suust heur lutje potje kind kikt wondernd wereld in dij aivege ogen roupen tot verzet dat wie nander vannijs aankieken t zaachte zuiken in t ìnde kommen tot wie gezichten zain

Blinnen

In slootswale zit boer te reren Peerd wacht op wenakker en kikt liedzoam leegte in Op t stee mit nog waarme berre trekt vraauw blaik blinnen dichte en kropt weerom

Bistoe t?

In daipe stilte van dizze nacht heur ik die roupen van d’overkaande en ast noaderst zai ik dien ogen kikst mie aanveerdend aan gefst mie dien genoa kolle dingen worden waarm sikkom ofwezeg roak ik die aan speurend noar vrumde högten olle vroagen riezen nije toal wordt pruifd overkaande wordt diszied in t ìnde as… Lees meer

Zeunen

In dokege spaigelde spaigels zai ik zeunen van zeunen achter en veur mie stoan hou over scholders ales zuk herhoalt non begriep ik joen stille troane leegte noa bestemde snee ie luiten mie nich achter mor ik verluit joe loater luipen wie in t waarme veld swiegend mit riepe dinksels biezetten n begun van n… Lees meer

Deure

In vrouge haarstlucht kiek ik deur spielen noar dingen aan d’overkaande woar t levent as verlöst oet tied onbekommerd ruumte let deurklopper, hoesnummer, nuigende olle klinke deure tussen non en dammeet blif ofwachtend dichte overkaande dij k sikkom rekken kin stee woar k onverdocht al bin

Impressie *

Hoge kantoortorens kieken mit doezend gele goaten dele en boegen zuk noar lutje jonkje dat wondernd noadert maank nadde tegels wotterpoulen zo daip as daip spaigeln stolske wichter in widde jurken doarop zetten zuk rode vlekken mit dommee dikke lopers jonkvolk kikt verbalderd tou ogen valen mie open: dat dit bestijt *Bie ‘Menstruate with pride’… Lees meer

Lutje wichtje

Lutje wichtje lopt veulsk op blode vouten over mulzaand noar heur eerste zee wotter smokt voutjes zoegt en geft, zoegt en geft baaident speulen en strandjen roemte mieghummel bie grode zee, hoge luchten en t braide zaand zo niks en zo aanwezeg wat komt krigt hier zien beloop dij open ogen en open handen dizze… Lees meer

Loater

Stevels, streepkoorn buksen, pedde en piebe swoa mit eerappelzak op scholder kroekje wotter in d haand pabbe lopt over t loantje t veld in swiegende dinksels valen in t mulzaand achter t roam verschient moeke in schoet zai kikt hom vannijs vol verwachten noa wait dat e ook diskeer nich umkikt en reurt achter t… Lees meer

Zied aan zied, n dubbelbundel

Elk joar op Dag van de Grunneger toal wordt der n weggeefbundel prezenteerd. Ien 2016 was dat de bundel Kört bestek mit columns dij eerder verschenen waren op Webloug. t Joar derveur kwam der n bundel laifdesgedichten oet onder de titel Dast doe dat ik. Dit joar verschient bie de Dag de bundel Zied aan… Lees meer