Hier bie ebbe op t Wad tegen zunsondergang
haar Desert Orchid runnen kind,
dat peerd van Ian van heuren zeggen, gevleugelde,
as ainegste, as eerste tegen tied en zun in
aan moan veurbie over finish, schaaiden van leven
en wat of der noa komt. t Begroot mie
om n peerd runnen te zain
noar wat wie ons veurholden
as t hoogst beriekboare: n beker,
doezenden ponden of euro’s. Doar kin gain
peerd tegenop, mit of zunder vleugels.