Reacties uitgeschakeld voor Loater read Gedichten

Hanne Wilzing

Loater

Stevels, streepkoorn buksen, pedde en piebe
swoa mit eerappelzak op scholder
kroekje wotter in d haand
pabbe lopt over t loantje t veld in
swiegende dinksels valen in t mulzaand
achter t roam verschient moeke in schoet
zai kikt hom vannijs vol verwachten noa
wait dat e ook diskeer nich umkikt
en reurt achter t gasstel heur gedachten
achter boge in hege begunt grode wereld
vanoet hoge appelboom kin ik wied kieken
loater groaf ik dinksels op
en pruif wat moeke reurde