Moeke heur kleurbouk

Ale vruchten hemmen roodstreepte blözzen,
behaalve bananen en droevetrözzen.
Op n volgende bladziede ien broen en rood,
zigs n blokhut baauwd van ròggenbrood.
Ain bladziede is haalf scheurd.
Doar binnen luchten sangen kleurd.
n Gruine swaalker sjaauwt mit gele hond.
n Joager het muts op van stippeld bont.
Moeke kleurt n schip ien nood, op zee.
Golven binnen hail maal kleurd, zo spril,
op zulfde wieze as moeke bie schipke dee
dij krekt as moeke nait opgeven wil.
Zeg mie, wat is t levent zunder dij bouken?
n Donker hol mit swaarde spinnen.
n Nachttraain ien tunnel, banken vol spouken.
Al is t gain eulievaarf op linnen,
kleuren mos doe, eerdoags vaalt douk.
Wat kleur dut, kins zo gek nait verzinnen.