Leste doagen van september. Zunnebraand. Keukenpepier tegen muggen over t glas mit rooie wien in koalende toene. Haarst komt dichterbie, dreug blad al meer om mie tou. Grauwkoppen tjingeln mie veuls te veul. Zummer kropt mie minner onder t vel as wenst noar waarmte van dien lief.
Date Archives juni 2017
Annie Martens
As neeffie hoopst
As neeffie hoopst dat d’eerde indommelt noa n kopern dag bie de zandkoele dat heur hempie wat omhoog kropt boven d’iezern knoop van heur spiekerbroek dast doar tussen schoelen kinst in t dons op heur zaachte vel en den steekst most wel
Jan Huttinga
Vrumd II
Hai ston op brug. Tebee keek in t graauwe wotter. In t raait zaten wat verwaaide eenden. n Grode kwak gruine rommel dobberde tegen dukdalf, draaide n slag en dreef vot onder brug. Hai spijde n flottertje wit omdeel. t Waaide vot en bleef plakken aan n stuk plestic dat flapperde in t raait. t… Continue reading
Jan Glas
Ootje
Ik heb t zulfde pestuur as mien opoe haar. k Zol heur jurken droagen kinnen as nait aal heur jurken noa heur staarven stuk veur stuk oet heur open mond wegdroagen waren deur de vriendinnen van de dood. Net as heur houden en de sieroaden. Ze deden heur ogen tou. Schounen werden noar kraaien ien… Continue reading