Moeke dut deure van slöt
zo-as in theoaterzoal gerdienen
openschoeven en doar staaistoe
in dien kreukelg jurkje voal van kleur
rooie randen om dien wotterogen
in dien hoar veul knuppen van zieleghaid
wait k nait wat of ik dou
k zol veur die klappen mouten
om dien traauw aan mie
k zai dien begleerd gezicht
pootjes uut ieder neusgat
snovvelstoe mit n iezelke sis
noar binnen tou. Doe zwigst
of hest klappen kregen staaist verlegen.
Elk mis woord over die is n mèzze
dij onverschrokken
mie t haart openlegt.

Mien aiweg wichtje hou den ook
doe en ik kwamen aaltied
weer bie ons baaident terecht.