Berichten getagged Puister Henk

Maria

k Rol miezulf noar d’grode toavel, woar d’ol vraauw aaltied zit en in t Dagblad kikt. k Knup n proatje mit heur aan. ‘Kom,’ zeg k, ‘k wil mie n poar koartjes kopen om te versturen.’ ‘Doe koartjes versturen? Doe worst hier verpleegd. Ze mouten die koartjes sturen!’ ‘Joa. Dat gebeurt ook wel.’ k Wil… Lees meer

Gelukkeg ènde

Mag ik doodgoan op n dag den daank ik mien ogen dij die aan mie zain loaten hebben. Zakt de schare mie over t gezichte op n dag den daank ik de vlam in mien olle lief dij deur de dood hèn veur die braanden blift. Mag ik doodgoan den kin t nait aans of… Lees meer

Visdag

Gaaist doe aan t vissen zöchst spullen bie nkaander as t nog baalkeduuster is kikst aal noar dien dobber stillechies op diezulf aan t wotter den kom ik die achternoa onzichtboar op mien fietse zet mie dele op kampeerstoultje wied uut dien zicht nait dat ik van vissen hold boven wotter mit dood in heur… Lees meer

Lochtbèlle

Bist veuls te groot veur t omvatten die mit top van vinger aanroaken kin ik nooit hou wied of k kiek zo hoog of k op tonen stoan goa k dreum zaachter sunts k mie der bie deellegd heb

n Nij pak en n ol boksem

Nou moeke dood is, komt e mit regelmoat even aan. Mainsttied onverwachts. Den proaten wie over van alles, mor t mainst over moeke. Mien moeke was n echte daaiernpuut, mor pa nait. Hai mag gain katten lieden. Woar komt dij ofkeer vot? Ik kin mie heugen dat moeke n moal tegen mie zee dat pa… Lees meer

Zol ik

Zol k die nooit zain hebben zolst doe nooit n woord mit mie wizzeld hebben zol mien belegen haart nooit sprongetjes moakt hebben

Poëziefestivaal in Prinsentoene *

‘Lopst weerom, rechts dat stroatje deur den noar links en lopst der zo in,’ laagt t jonge zummerjurkje noast heur fietse veur t stoplicht as de verdwoalde dichter vragt hou hai in Prinsentoene komt. Hai zugt weer woar e is, woorden zitten of hangen op n baankje of ze liggen laankuut in t gras, hebben… Lees meer

n Begun moaken

Mien stim stoekt doe lopst mien leven uut ik hoal allain mien scholders op wat aans as mie der bie deleleggen wait ik nait te doun ik speul n laid van verdrait zet ale roamen open veujoar let mor op zok wachten wos mien moeke zok gain road den schoonde zai t haile huus ik… Lees meer

Ketakt

rond t uur van middernacht internetten oartslelke stroaten hail wat òf – trekken vèrre gelaifden noar zok tou deur n klik dit is persies tiedstip doarop – kiek – heur gerdien schoft zai bezied – hai zienent – in n vlocht moaken ze oogketakt op kroepòfstaand