ik goa op weg op zuik noar woorden k goa op weg en kiek ien wereld om mie tou noar mìnsen ien t bie laans goan lopend fietsend runnend strompelnd mompelnd verstiefd ien lichtbeelden meschain ook op zuik noar woorden k kiek noar haarstkleuren ien bomen mit kromtrokken bloadertakken zok verzoamelnd stoapelnd onder aan stam… Continue reading →

stel dat schoonhaaid vonden wordt ien doolhof van gröt juust din – zol je denken verschient gries oet wit en wit oet zwaart zo begon noamelk zun ook oet vuur onder juuste steerns pas doarnoa verzoamelden minsen zok ien blaauw oet geel en geel oet rood dat bleek noamelk juuste verhollen

voak loop ik doar. ien bos. wodder bie laans. omgeven deur oetbedòchte roafelmìnsen. zo oetbedòcht, dat ik mie altied allinneg vuil. allinneg. en òfwezeg. zo is doar oetbedòchte retoriek dij hoog van toren bloast. oetbedòchte swaarde hoat dij oetkookt witwast. oetbedòchte oetzichtlooshaid dij mìnsenresten van spoor schroapt. oetbedòchte tiedgaist dij hom vaasthòldt aan bròkstokken. t… Continue reading →

vandoag gain tied veur aigendunk – ik laip laangs t wad en wer stil deur rimpellooshaid van t wotter dat doar laag ruierloos tegen diekstainen aan t wotter rustte zun zaag noar dat berusten wottervogels bewogen zok nait om nait te versteuren wat nait bewoog staketselpoalen hillen stand as of pier n rustdag haar zo… Continue reading →