Gaaist doe aan t vissen
zöchst spullen bie nkaander
as t nog baalkeduuster is
kikst aal noar dien dobber
stillechies op diezulf aan t wotter
den kom ik die achternoa
onzichtboar op mien fietse
zet mie dele op kampeerstoultje
wied uut dien zicht
nait dat ik van vissen hold
boven wotter mit dood
in heur zere ogen

uren kin ik kieken blieven
van dien hangelstok noar die
volg k elke bewegen

k vis verlegen